«Радая, што нам непублічна ўдаецца пагаварыць пра тое, што нам сапраўды важна». Ціханоўская расказала дэталі сустрэчы з Байдэнам у Вільнюсе

13 лiпеня 2023 у 1689224400
«Зеркало»

Падчас сустрэчы з прэзідэнтам ЗША Джо Байдэнам 12 ліпеня лідарка дэмакратычнай Беларусі Святлана Ціханоўская расказала, што беларусы працягваюць змагацца за вызваленне сваёй краіны. Пра гэта палітык паведаміла ў сваім тэлеграм-канале.

«Вельмі ўдзячная прэзідэнту за гэтую сустрэчу. Я данесла яму нашую пазыцыю, расказала, што беларусы працягваюць змагацца за вызваленне сваёй краіны. Я радая, што ў нас атрымліваецца непублічна пагаварыць пра тое, што нам сапраўды важна. Беларусы могуць разлічваць на падтрымку ЗША», - пракаментавала Ціханоўская.

Ціханоўская паразмаўляла з Байдэнам пасля яго выступу ў Вільнюскім універсітэце 12 ліпеня. Пасля таго як ён скончыў сваю прамову, каманда прэзідэнта ЗША правяла Ціханоўскую ў памяшканне, дзе знаходзіўся амерыканскі лідар.

Нагадаем, у ліпені 2021 года Святлана Ціханоўская ўжо сустракалася з Джо Байдэнам падчас яе візіту ў ЗША.