Былая памочніца настаўніка пачатковай школы ў Вялікабрытаніі атрымала восем гадоў турмы за тое, што разбэсціла дзесяцігадовага вучня шмат гадоў таму. Пра гэта паведамляе BBC.
61-гадовую Дэніз Повал прызналі вінаватай у грумінгу, падбухторванні дзіцяці да сэксу, у сэксе з ім і сэксуалізаваным гвалце. Злачынствы адбыліся ў 2000-х гадах, калі яна працавала ў школе ў горадзе Харагіт.
Следства выявіла, што Павал арганізавала «заганную і наўмысную» кампанію па спакушэнні вучня. Яна напісала яму мноства паведамленняў, заваліла падарункамі, а потым здзяйсняла з ім «шматлікія палавыя акты».
«Тое, што мы выявілі, можна ахарактарызаваць як злосны працяглы сэксуальны гвалт над дзіцем з боку педафіла», — сказала падчас судовага паседжання дэтэктыў Элісан Морыс, якая займалася расследаваннем.
Абвінавачаная не прызнала сваёй віны.
Адзначаецца, што пра злачынствы стала вядома толькі нядаўна, бо пацярпелы наважыўся расказаць пра ўсё толькі праз шмат гадоў.