Прэзідэнт ЗША Дональд Трамп заявіў, што ягоная тэлефонная размова з Зяленскім была вельмі прадуктыўнай. У хуткім часе яго памочнікі раскажуць, якія канкрэтна пункты абмяркоўваліся падчас яе.
«Толькі што завяршыў вельмі добрую тэлефонную размову з прэзідэнтам Украіны Зяленскім. Яна доўжылася каля гадзіны. Большая частка абмеркавання грунтавалася на ўчорашняй размове з прэзідэнтам Пуціным, каб узгадніць запыты і патрэбы Расіі і Украіны. Мы ідзём правільным шляхам, і я папрашу дзяржсакратара Марка Рубіа і дарадцу па нацыянальнай бяспецы Майкла Уолтца даць дакладнае апісанне пунктаў, якія абмяркоўваліся», — напісаў Трамп у сваёй сацсетцы The Truth Social.
Украінскі бок афіцыйна вынікаў размовы не каментаваў.
Нагадаем, напярэдадні Трамп па тэлефоне правёў перамовы з Уладзімірам Пуціным. Размову з расійскім прэзідэнтам Трамп ахарактарызаваў як вельмі добрую і прадуктыўную. «Мы дамовіліся пра неадкладнае спыненне агню па ўсіх энергетычных і інфраструктурных аб’ектах», — адзначыў Трамп.
Пазней Крэмль і Белы дом апублікавалі свае афіцыйныя паведамленні пра размову, у якіх эксперты і СМІ ўбачылі разыходжанні ў трактоўках важных пунктаў.
Чытайце таксама
